Жалолиддин Мангуберди

Цивилизация тарихида таназзул ёки турғунлик даврида камдан - кам ҳолатларда маънавий маданиятнинг фавқулодда юксалиши кузатилган. Давлат суверенитетини қулга киритган Ўзбекистон учун айнан мана шундай давр сифатида XX - XXI асрлар оралиғини эътироф этиш мумкин. Ўзбекистон Республикаси Президенти Ислом Каримов ташаббуси ва давлатнинг ҳар томонлама қуллаб - қуваттлаши натижасида тарих мезонида кичик фурсат ҳисобланган 25 йил давомида бадиий ҳунармандчилик нафақат тикланди, балки бу қадим ўлканинг халқ амалий санъати ривожи янги босқичга кўтарилди. Дунёда қиёси йўқ ушбу альбомнинг мақсади - халқ тили билан айтганда Усто деб аталадиган Ўзбекистон халқ ҳунармандларининг ижодий муваффақиятларини илк марта кенг тақдим этишдир. Қадим Ўзбекистоннинг таниқли ҳудудларида юксак маҳорат ва асрий анъаналарни давом эттириб келаётган усталарнинг бадиий усулидаги ўзига хослик ерқин кўринишда намоён бўлади. Моҳирона техника ҳамда ҳайратланарли фантазиялар нафис ва сержило, серҳашам безакларни дунёга келтиради. Бу мукаммаллик сари интилишнинг самараси ва усталарнинг бой тажрибаси, замонамизнинг машҳур усталари доим мурожаат қиладиган анъаналарсиз эришиш мумкин эмас. Улар нафақат буюк аждодларнинг бебаҳо меросини асраб - авайлаб, ҳозирги замон нафосати, руҳиятини сингдиришмоқда, балки ўз ҳунари сир - асрорларини озод Ватанда ўсиб - улғаяётган, буюк келажак сари интилаётган ёш авлодга ўргатиб келишмоқда.