Исоқжон Нишонов : Довон

Мустақилликнинг дастлабки йилларида халқимиз оламшумул ишни бошлаб юборди. Буюк Ипак йўли ўтган, аждодларимиз юрган, бобомиз Бобур Мирзо босиб ўтган, Отабек Кумушни соғиниб отда қатнаган Қамчиқ довони йўлларини кенгайтиришга асос солинди. Бу мамлакатимиз тарихидаги буюк ишлардан бири эди. Исоқжон Нишоновнинг қўлингиздаги «Довон» романи мамлакатимиз ободлиги, йўлларимиз равонлиги йўлида меҳнат қилаётган йўлсозларнинг шарафли ишлари, ўз олдиларида турган қийинчиликларни мардонавор енгиб ўтишдаги жасоратлари ҳақида ҳикоя қилинади. Бу роман замонамиз қаҳрамонлари тимсолини ўзида мужассамлаштирган энг яхши асарлар қаторидан ўрин олади, деган умиддамиз.