Инглизча-ўзбекча луғат (оксфорд услубида)

Ushbu "Inglizcha-o'zbekcha lug'at" cho'ntak kitobi yaqin ikki-uch yil davomida nashr etilgan lug'atlardan keskin farq qiladi. Bu, avvalo, tuzuvchilar tomonidan leksikografiya ilmining ilg'or an'analariga rioya qilishga bo'lgan urinishda o'z ifodasini topgan. Lug'at ingliz tili mutaxassislari va tilni o'rganuvchilar tomonidan yuksak qadrlanadigan Oksford lug'atshunoslik maktabi an'analarida tuzilgan.

Lug'at ingliz tilining faol qatlamini to'liq qamrab olgan. Tarjimalarning aniqligi va foydalanish uchun qulaylik tuzuvchilar tomonidan bosh maqsad qilib olingan. Lug'atning so'z boyligi 35000 dan ortiq so'z va iboralar hamda 60000 dan ziyod tarjima birliklaridan iborat. Shu o'rinda ta'kidlash zarurki, lug'atdagi tarjima birliklarini hisoblash ham asosan Oksford lug'atlarida uchraydigan holat.

Ushbu lug'at o'quvchilarga manzur bo'ladi, degan umiddamiz.