Хуршид Дўстмуҳаммад: Роман

Роман жанри ўзининг салмоқдорлиги билан китобхонни ўзгача мутолаага чорлайди. Муаллифнинг олам ва одам ҳақидаги залварли қарашлари, ўй-мушоҳадалари у яратган образлари орқали ўқувчига "юқади".
Илк бор бундан йигирма йил муқаддам чоп этилган "Бозор" романида Хуршид Дўстмуҳаммад инсон феъл-атворни, орзу ҳавасларию қисматини кенг маънодаги бозор майдонида кўрсатишга, тасвирлашга ҳаракат қилган. Асар адабий жамоатчилик ва китобхонлар орасида қизғин баҳс-мунозаралар уйғотди. "Донишман Сизиф"да муаллиф воқеалар тизимини олис ва кўҳна Юнон халқ афсонасидан танлаган, унга ўзбекона тафаккур либоси билан кўрк бағишлаган. "Ўйин" романи эса бамисоли тандирдан узилди-ю, ушбу жилддан ўрин олди. Унда воқеалар ўқувчини ўтган асрнинг 60-йилларидаги беғубор ва шўх-шан болалик кезларига етаклайди. Қувноқ ва адақсиз ўйинлар қанотида катта ҳаётга кириб келаётган болалининг қайтмас ва сурурли онларига ошно этади.
Ҳар учала роман ҳаётга, инсон кечмишлари - шодлигу армонларига кутилмаган нигоҳ ила қарашга ундайди. Тасаввур оламингизни янгилайди.