Ҳасанхон Яҳё Абдулмажид, Аслиддин Жалилов: Тафаккур қилмайсизларми?

Ҳар бир яратгани мўъжиза ва илму ҳикмат манбаи бўлган Аллоҳ таолога ҳамду санолар бўлсин! Инсониятга Аллоҳнинг мўъжиз каломи Қуръонни бекаму кўст етказган Мухаммад Мустафога ва у зотнинг ушбу илохий дастурини башариятга етказган олу асҳобларига дуруду саломлар бўлсин! Мўъжиза ожиз қолдирувчи деган маънони англатиб, идроки ёки ижросига инсон ожиз бўлган нарсаларга айтилади. Илмий мўъжиза деганда мўъжизалигини илм-фан исботлаган маълумотлар ва ҳодисалар тушунилади. Қуръон ва суннатдаги илмий мўъжизалар ушбу икки манбада илм-фан орқали аникланган, мазкур манбалар инсониятга нозил қилинган кезларда акл идрок қилиши имконсиз бўлган ва пировардида ушбу икки манбанинг илоҳий асосга эга эканига далолат қи-ладиган ҳақиқатлар ва маълумотлардир.