Ги Де Мопассан: Маржон шодаси

Ги де Мопассан француз новеллачилигини юқори поғоналарга кўтарилишига замин яратган ёзувчилардан биридир. Мамлакатнинг кўзга кўринган танқидчилари унинг ижоди борасида якдил фикрда эдилар. Эмил Золянинг эътирофича, у ҳиссиётларни нозиклик ила жўш урдирди, мулойим мутойиба ва қувлик билмас сурур воситасида омма эътибори ва ҳурматини қозонди. Жорж Леметр Мопассанни классик ёзувчи деб атади.

Мопассан қисқа умри давомида соф муҳаббатни куйлади, маънавий юксак оддий кишиларни қадрлаб, ватанпарвар ва жасоратли инсонларни тараннум этди. Мопассан маънавий қашшоқ, мунофиқ кишилар образининг бутун бир силсиласини яратган кам сонли ижодкорлардан биридир. Эътиборингизга ҳавола этилаётган ушбу тўпламдан турмуш қаърига улоқтирилган нотавонлар ҳаёти, оддий кишилар қисмати юксак маҳорат билан тасвирланган ҳикоялар ўрин олган.