G'aybulla Boboyorov: Turkiy o'zlik

 Ushbu kitob turkiy xalqlarning boy merosi, o'zbek xalqining qadim o'tmishi va tarixiy xotirasini jonlantiradi. Unda qadimgi turklarning yemak - ozuqalanish madaniyati hamda manbalarda aks etgan harbiy san'ati yoritiladi.

 "Turon" va "Turkiston" nomlarining qachondan boshlab ishlatilgani, Beruniy tilga olgan "turk podsholari" kimlar ekani, o‘zbek nomining kelib chiqishi butunlay yangicha qarash bilan ilmiy asosda ochiqlanadi. Qadimiy tangalar tahlil qilinar ekan, o‘zbek va boshqa turkiy xalqlar o‘tmishining naqadar buyuk ekani ko‘z o‘ngimizda namoyon bo‘ladi. "Turkiy o‘zlik" bizni o‘z kechmishimizni anglashga, ajdodlarimiz merosidan saboq olishga chaqirish bilan birga, milliy g‘ururimizni ham uyg‘otadi. Shu bois, asar ilmiy jamoatchilikdan tortib, milliy o‘zligini chuqurroq his etishni istagan har bir o‘qirman uchun bebaho manba vazifasini o‘taydi.