Furug‘ Farruxzod: Qayg‘u guli

Фуруғ Фаррухзод шеърияти биргина Эрон шеърияти қобиғига сиғмайди, яъни у жаҳон шеъриятида ҳам янгиликдир. Унинг шеърларидаги рамзийлик илдизи бутун дунё тан олган мумтоз форс шеъриятининг энг сара асарларидаги ноёб анъаналардан озиқланган. Қолаверса, Фуруғ шеъриятида аксарият шоирларга хос бўлган турмушидан кўнгли тўлмаган аёлнинг сохта маломатлари, маиший муаммолар ёхуд фаришта ниқобидаги шайтоний васвасалар эмас, умумбашарий дардлар, комил инсон соғинчи, ҳалложона «Аналҳақ»оҳанглари янграйди.
Бир сўз билан айтганда, Фуруғ Шеърдаги Ўзини эмас, Ўзидаги Шеърни севади, унинг шеърияти назмбозлик, адабий найранглардан йироқ, соф, асил шеъриятдир. Китоб чин шеърият мухлислари учун ажойиб туҳфа бўлишига ишонамиз.