Фарида Афрўз: Томчисини қизғонмайди уммони борлар

Биз кўпинча ёнимиздаги истеъдодларга бепарво бўламиз ёки беписанд қараймиз. Ўша одам худди ўзимизга ўхшаган оддий одамдек туюлаверади. Унинг онгу шуурида нималар кечаётганини ва ижод тўлқинларининг куч-қудратини, минг афсуски, асрлар ўтгандан кейингина англаймиз. Ҳамма даврларда ҳам ижодкор ҳақида даврдошлари томонидан ҳолис фикрлар айтилмаган...
Аммо... Аммо қўлингиздаги ушбу китоб замондош шоирамиз ФАРИДА АФРЎЗнинг ижоди ҳақидадир. Қувонарлиси шундаки, академик адабиётшунослардан тортиб, то оддий мухлисларгача бўлган инсонларнинг шоира ижоди ҳақидаги фикрлари ўта ҳолисдир. Уларнинг талқин, тақриз, эҳтиром ва эътирофлари сизни ҳам самимийлик оғушига олиб киради.