Jaloluddin ibn Abdulloh Shihota: Eng oson sharx

«Eng oson sharx» («Arba’ini Navaviy» sharhi)
SHUKRONA

Ulug‘ ne’matlari, buyuk atolari uchun Alloh taologa hamdu sanolar aytib, shukr izhor qilaman.
Allohga shukronalar aytgandan so‘ng fazilatli ustoza Odinaxon bintu shayx Muhammad Sodiq Muhammad Yusuf¹ xonimga tashakkur bildiraman, chunki bu kitobning ta’lif qilinishiga shu kishi sabab bo‘lganlar. Bu hodisa Misr Arab Jumhuriyatidagi markazlardan birida dars berayotgan paytimda yuz bergan. Men u kishi bilan bir ilmiy anjumanda ko‘rishib, ushbu kitob haqidagi fikrimni aytganman, ustoza bu ishni ma’qullab, kitobni oxiriga yetkazishimni so‘raganlar, kelgusida o‘zbek tiliga tarjima qilinishini ham aytganlar. Buning uchun ustozaga katta rahmat aytaman, Alloh taolodan umrlariga, ilm yo‘lidagi, tolibi ilmlarga xizmat yo‘lidagi sa’y-harakatlariga barakotlar so‘rayman.