Эдуард Дюжар. Дафналар кесилди

Драматург ва символист шоир Эдуард Дюжардиннинг “Дафналар кесилди” романи онг оқими услубида ёзилган илк романлардан. Албатта, унгача қаҳрамоннинг ўй-фикрлари тийиқсиз келтирилган бошқа асарлар ҳам бор, масалан ўзбек китобхонига яхши таниш бўлган Толстой ва Достоевский романларида ҳам бундай ўринлар мавжуд. Аммо улар қаҳрамоннинг кимлигини очиш — ёзувчи истагини амалга ошириш учунгина хизмат қилади.

Асар Даниел Принснинг кечки олтидан ярим тунгача бўлган ҳаётини икир-чикирларигача ўз ичига олади: унинг Леа д’Арсе қўлида ўйинчоқ бўлган муҳаббати, ҳис-ҳаяжонлари, хавотири, истаклари, қоронғи — одамлардан беркитган, одамларга кўрсатган томонлари тасвирланади.