Дурду Исмоил Жошкун: Ёввойи Ари

Асар муаллифи Дурду Исмоил Жошкун немис адиби Гётенинг она тарафдан "Солдан" фамилияли турк оиласига мансублиги ҳақидаги хабарни газетадан ўқиб қолади. Узоқ ўрганиш ва изланишлар натижасида унинг XII асрда Ҳалаб ва Антеп ўртасидаги урушда асир тушиб Германияга келтирилган Меҳмет Содиқ Селим исмли ҳам шифокор, ҳам меъмор салжуқий эканини билиб олади. Муаллиф ушбу асарда унинг Анадўлудан бошланган ва Европада якунланган ҳаётини, тарихий воқеликлар, мўғуллар босқини, аҳийлик анъаналарини қаламга олади.
Ушбу китобни ватандан айро яшашнинг чуқур изтироблари, падари бузрукворини топиш илинжида ёвуз одамлар қўл остида хизмат қилиш мажбуриятлари, бир лаҳза ҳам унутмаган-у, аммо бир дақиқа-да висолига етолмаган севгилиси соғинчлари, урушда қурбон бўлган қисматларни ўқиркансиз, кўзларингиздан ёш оқа бошлайди. Ва муаллиф истеъдодига беихтиёр таҳсин айтасиз.