Дунёни титратган икки саркарда — Чингизхон ва Амир Темур кўрагон ҳарбий санъати ва истилолари ҳақида

Россия ва инглиз империялари Ўрта Осиё ҳудудини уч юз йил мобайнида ҳарбий, илмий, демографик va геологик жиҳатдан ўрганиб келганлар. Савдо, дипломатик алоқалар va жўғрофий экспедициялар ниқоби остида ягона мақсад, қулай географик минтақада жойлашган олтин, пахта va арзон иш кучига бой ўлкани босиб олиш бўлган. Фикримизнинг исботи тариқасида Император Бош штаби ҳарбий илмий қўмитаси аъзоси, князь Н.С.Голитсиннинг асар муаллифи генерал-лейтенант M.И. Иванин ҳақидаги мақоласини келтиришни жоиз, деб топдик. Мазкур асар ҳам бир қарашда буюк саркардалар Чингизхон ҳамда Соҳибқирон Амир Темур эгаллаган ҳарбий санъатларни ўрганишга бағишлагандек туюлса ҳам, у аслида қандай қилиб Ўрта Осиёни босиб олиши мумкин, деган риторик саволга жавоб тариқасида ёзилган. Асарда Чингизхон va Амир Темурнинг ҳарбий санъатлари, уларнинг ҳарбий сафарларидан кўзланган мақсадлари, жаҳонгирона юришлари тарихи, давлатчилик сиёсатлари ҳарбий мутахассис Чор Россияси генерали нуқтайи назаридан батафсил таҳлил қилинган.

Бу китоб дастлаб 1994 йилда «Хазина» илмий ижодий ишлаб чиқариш бирлашмаси маблағи ёрдамида «Фан» нашриётида чоп этилган (муҳаррирлар: Урфон Отажон. Юсуф Музаффар). Мазкур нашрда муҳаррирларнинг изоҳлари ва Юсуф Музаффарнинг сўзбошиси ҳам бўлган.

Шундан кейин ҳам асар бир неча марта чоп этилди. Китоб тарихимизнинг эълон қилинмаган саҳифалари бўлмиш Чингизхон va Амир Темур даврларини ёритишда нафақат оддий китобхонлар оммаси учун, балки тарихчилар, ҳарбий мутахассислар, сиёсатшунослар, элшунослар, географлар uchun ҳам қимматли манба бўла олади. Унда тасвирланган воқеа va ҳодисаларнинг мазмун va моҳиятини янада чуқурроқ тушуниш учун китоб сўнгида келтирилган изоҳларга кўпроқ аҳамият беришингизни сўраб қоламиз.