Дункан Кларк: Alibaba. Жек Ма бунёд этган маскан

"Alibaba: Жек Ма бунёд этган маскан" - оддий инглиз тили ўқитувчиси қандай қилиб дунёдаги энг қиммат компаниялардан бирини яратгани ва жаҳон иқтисодиётини ўзгартириб юборгани ҳақида ҳикоя қилади.

Китобда "Alibaba" компаниясининг дунёга келиши ва мисли кўрилмаган муваффақиятга эришишида нафақат Жек Мадаги иштиёқ, қатъият, тап тортмаслик, харизма, киришимлилик ва бошқа хислатлар, балки ўша даврда шаклланган қулай муҳит, рақибларнинг жиддий хатолари, Хитойнинг ўзига хос сиёсати каби бошқа омиллар ҳам муҳим роль ўйнагани ёритилган. Шунингдек, Жек Манинг муваффақиятга эришиш қоидалари ва уларнинг татбиқи ҳам тасвирланган. Китобни ўқир экансиз, "Alibaba" компаниясининг оёққа туриши билан бир қаторда, Хитой иқтисодиётининг ривожланиш жараёни, инқилобий ислоҳотлар, хитой тадбиркорлари ва халқининг бозор иқтисодиёти учун кечган оғир ҳамда матонатли курашига ҳам гувоҳ бўласиз.