Улуғ саҳобаларнинг ҳаётлари илм, хулқ-у одоб, дин ва мажбурият нуқтаи назаридан, чуқур ихлос ила Аллоҳ таолонинг розилигини талаб қилишлари камолотга интилган кишилар учун ҳаётий ибрат мактабидир. Улар моддий манфаат, сохта мансабга эришиш ёки ўткинчи шуҳратга эга бўлиш учун интилишмаган. Уларни бир нарса - Яратганга тақво ва Унинг барҳақ пайғамбарига муҳаббат улуғликка олиб чиққан. Абдуллоҳ ибн Аббос хам улуғ саҳобийлардан бири бўлиб, Пайғамбаримиз алайҳиссаломнинг аҳли байтларидан ҳисобланади. У зот илмда тенгсиз, фаҳми комил, Қуръон тафсирида тенги йўқ саҳобийлардан эди. Мазкур китобда Абдуллоҳ ибн Аббоснинг ҳаёти, гўзал мусулмонлик фазилатлари, ислом йўлидаги улуғ хизматлари баён этилган.