Дарахтлар: "Яшил ўпка"миз билан яқиндан танишинг!

Ассалому алайкум!
Болажонлар, қалайсиз?
Зўр китоб эканми? Бошқа китобларга ўхшамас эканми?
«Сайёрамизни бирга асрайлик!» деган китобимизни ўқиганмисиз? Буни ўшанинг давоми десак ҳам бўлади. Бу китоб бошидан охиригача дарахтлар ҳақида. Китобда чиройли, ранг-баранг суратлар бор, кичкина ҳикоячалар бор. Дарахтлар ҳақида нимани сўрамоқчи бўлсангиз, жавобини мана шу китобдан топасиз.
Масалан, тўртта фасл, дарахтнинг уруғи, илдизи, кўчати, новдаси, шохлари, барги, меваси ҳақида билиб оласиз. Ўрмондаги дарахтларни ким эккан? Кема нимадан ясалади? Қоғоз ҳам дарахтдан олинадими? Мана шунга ўхшаган саволларга ҳам жавоб берилган. Умуман, дарахт билан боғлиқ нимаики мавзу бўлса, иложи борича ҳаммаси ҳақида ёзишга ҳаракат қилинган.
Бу китобда фотосинтез, зайтун мойи, какао дарахти, ёғоч уйлар, энг қадимги дарахтлар, энг улкан дарахтлар ҳақида ўқийсиз, ҳатто дарахтни қандай экишни ҳам билиб оласиз.
Энг муҳими - бу китобни ўқиб, дарахтлар дунёдаги миллиардлаб инсонлар, жониворлар, ҳашаротлар учун, она табиатимиз учун хизмат қилишини, шу сабабли уни ҳаммамиз эҳтиёт қилишимиз кераклигини билиб оласиз. Шунинг учун ҳам бу китобни «Дарахтлар» деб номлаб қўя қолдик. «Яшил ўпка»миз билан яқиндан танишинг!
Оизиқиб кетяпсизми? Унда вақтингизни кўп олмайлик. Марҳамат, ўқишни бошлайверинг!
Таржимон: Мирносир Ҳасан