Чжан Дунган: Хитой Услубида Модернизация

Модернизация инсоният тарихида энг муҳим, чуқур ва кенг қамровли ижтимоий янгиланишдир. Бу нафақат иқтисодий тузумнинг ўзгариши, яъни, аҳоли жон бошига паст даромад даражасига эга бўлган қишлоқ хўжалигидан фан-технология ютуқларига асосланган урбанизация ва саноатлашувга улкан ўтишдир, балки анъанавий қишлоқ хўжалигидан замонавий саноатлашган жамиятга ўтиш билан боғлиқ жаҳон миқёсидаги тарихий жараёндир. Бу жамиятнинг барча соҳаларини, шу жумладан, иқтисодиёт, сиёсат, ижтимоий ҳаёт, маданият, қадриятлар ва тафаккурни тубдан янгилаш ҳамдир.

Шунинг баробарида, модернизация тизимини яратиш ва такомиллаштириш қийин вазифа эканлигини тушунишимиз керак. Ҳозирги вақтда аср инқирози ва пандемия муносабати билан хавфлик борасида кўп муаммолар пайдо бўлмоқда, жаҳон иқтисодиёти тикланиши қийинлашмоқда, глобал тараққиёт жиддий қийинчиликларга дуч келмоқда, бу эса модернизация тизимини яратиш йўлида ғовларни пайдо қилмоқда. Халқаро нуқтаи назардан вазиятни олдиндан башорат қилиб бўлмайди, глобаллашув муваффақиятсизликка учрамоқда, буюк давлатлар мураккаб ўйин бошламоқда, ташқи босим ва модернизация тизимини яратиш борасидаги ноаниқлик тинимсиз ўсиб бормоқда.

Шу сабабдан нашриётимиз китобхонларни туб ислоҳотларни амалга оширган мамлакатлар тажрибаси билан таништиришга жазм этди. Танловимиздаги илк номзод ўз иқтисодий салоҳиятини мислсиз даражада юксалтиришга эришган кўҳна Шарқ мамлакати Хитой бўлди.