Буюк Акбар ва Рожа бирбол

Акбаршоҳ ва Бирбол ҳақидаги ҳикоялар ҳинд халқи орасида маълум ва машҳурдир. Акбаршоҳ бобурийлар сулоласининг истеъдодли ва забардаст вакилларидан бири бўлиб, унинг даврида Ҳиндистон гуллаб-яшнаган. Акбаршоҳ халқпарвар, адолатни ҳар нарсадан устун қўядиган ҳукмдор эди. Бу ишларда ҳукмдорга унинг доно вазири, садоқатли дўсти Бирбол доимо елкадош бўлган. Бирбол сарой вазирлари орасида озининг ўткир зеҳни, ақл-фаросати билан бошқалардан ажралиб турган. У ҳамиша Акбаршоҳни оғир дамларда қўллаб ўз садоқатини исботлаган.

Орадан неча асрлар ўтсада, Акбаршоҳ ва Бирболнинг дўстлиги ҳақидаги ҳикояю афсоналар ҳамда ривоятлар ҳамон халқ орасида яшаб келмоқда.

Ҳурматли китобхон! Уларнинг айримларини Сизга ҳам илиндик. Зеро, одамзод бор экан дўстлик ва садоқат ҳеч қачон унутилмайди. Китобда шунингдек қизиқарли эртакларга ҳам ўрин берилди. Ўйламизки, улар ҳам сизни бефарқ қолдирмайди.