Баҳром Ибрагимов: Божхонадаги ҳаёт йўлим

Савлат тўкиб турган улкан тоғлардан, адоғи кўринмай солланиб ётган йўллардан қанчалик узоқда бўлмайлик, биздан бир нафас нарида тургандек кўринаверади. Инсон ҳаёти ҳам аслида шундай. Ақлимизни танишимиз билан мактабга, мактабдан олийгоҳга, олийгоҳдан эса ўзимиздан яхши ном, эзгу амал қолдириш учун катта ҳаётга қадам қўямиз. Гоҳи баланд, гоҳи паст келадиган бутун бир йўлни босиб, ўзимиздан тоғдек келадиган яхши ном ва фарзандларимиз фахр билан ёдга оладиган эзгу амалларни қолдириш истаги билан яшаймиз.
Азиз китобхон! Қўлингизда турган мазкур эсселар тўплами ҳам умрини халқ фаровонлиги, инсонлар манфаати йўлига бағишлаган божхона фахрийси Баҳром Жўраевич Ибрагимовнинг хизмат фаолияти ва зимдан эзгу амаллар қолдиришига сабабчи бўлган шарафли ҳаёт йўли ҳақида ҳикоя қилади. Бу ҳаётий эсселар, ўйлаймизки, сиз, азиз ўқувчилар қалбидан ҳам чукур жой эгаллайди!