Баҳром Акбаров: Кичкинтойлар китоби (1 китоб)

Мактабгача ёшдаги болаларга мўлжалланган мазкур китоб уч қисмдан иборат. Унинг биринчи қисми - «Атрофимиздаги олам» фарзандингизни атроф-муҳит, ҳайвонот олами ҳамда предметлар билан таништириш ёрдамида унинг онги ривожланишига, билим даражаси ошишига, оғзаки нутқини ўстиришга ёрдам беради. «Билимлар оламига саёҳат» қисми эса лотин ёзувидаги «Алифбо»ни ўргатишдан бошланади. «Алифбо»даги унли товушлар қизил, ундош товушлар эса ҳаворангда берилган. Ҳар бир ҳарф билан бошланувчи мақоллар, ўн рақами остидаги ҳисоблашлар бола тафаккурини кенгайтиришга ёрдам беради. Китобнинг учинчи «Ўзим ўқий оламан» қисмидаги айрим ҳикоялар бўғинлаб ўқиш ёрдамида берилган. Бу фарзандингизни ушбу мавзуни тезда ўқий олишига кўмаклашади. Ҳурматли ота-оналар! Фарзандингиз ушбу китобдан фойдаланиб, ўз билимини оширишида яқиндан ёрдам берасиз, деган умиддамиз. Бу ишда сизга омад тилаймиз!