Баҳриддин Муродзода: Уч қалб ноласи (қисса ва ҳикоялар)

Қўлингиздаги китобни ўқир экансиз, инсон қалбининг эзгулик ва ёвузлик оралиғида, инсоний ва ҳайвоний истаклар қарама-қаршиликлари гирдобида чирпирак бўлиб айланишига гувоҳ бўласиз. Агар яхшилаб мулоҳаза қилсангиз, бу ўткинчи дунёнинг турфаранг оҳанжамаларидан ўзликни ҳимоя қилиш ва боқий дунёга ёруғ юз билан бориш учун Одам фарзандларига ҳар доим аввало раҳмоний йўл очиқ-ойдин кўрсатиб қўйилишини илғаб оласиз. Шу билан бирга, шайтоний йўл ҳам мана ман деб ўзига чорлаб турадики, ана шу чегарада инсонга ўзликни англаш малакаси керак бўлади ва бу унинг тақдирини ҳал қилади.

Бадиий адабиётнинг энг муҳим вазифаси ўлароқ, мазкур китоб ҳам сиз, азиз китобхонга ўзликни англаш, ҳаёт ҳақида чуқурроқ мулоҳаза юритишда энг яқин дўстингиз каби қадрли бўлиб қолишига ишонамиз.