Bahodir Qobul Otachiroq: Otachiroq

Bahodir Qobulning asarlaridagi qahramonlarning nafas olishidan ko‘z qarashigacha» tabiiy: bitta so‘z, bitta harf, bitta tovush ham begona emas. O‘qish vaqtida kitobni «ichiga kirib ketasiz»: go‘yo o‘sha odamlar bilan Jarko‘chada yugurasiz, Ena bilan gurunglashasiz, Mardon tentak bilan “aytishasiz” - urishasiz. Hatto beixtiyor "bu Sariq bola bunchalar shum-a", deb hayratlanasiz. Toza, sof o‘zbekcha suhbatlar, matallar, afsona va haqiqatlarning bir-biriga qo‘shilib g‘aroyib moʻjizaga aylanganini sezmay ham qolasiz.

Enaning nafasini, matallarini, duolarini sog‘inganlar, Sizni - "Otachiroq" to‘plami olis-olislarda qolib ketgan Bolalik bilan yana uchrashtirishiga ishonamiz. Bolaligingiz o‘tgan ko‘chalar, qadim va ulug‘ tilimizning haybati, qudrati, tarovati, beg‘uborligini, jon bilan birligini his etishga marhamat.