Асқад Мухтор: Чодирхаёл (юмшоқ муқова)

Элимизнинг атоқли ва ардоқли ижодкори, Ўзбекистон халқ ёзувчиси Асқад Мухтор ХХ аср ўзбек адабиёти ривожига салмоқли ҳисса қўшган адибларидан бири ҳисобланади. Унинг шеър, ҳикоя, қисса ва романлари теша тегмаган воқеаларга ва характерларга бойлиги билан ҳамиша ўқувчини ҳаяжонга солган. Адибнинг асарларида одоб-ахлоқ, маънавий олами, миллий қадриятлар, шўро даври адолатсизликлари дадил ёритилади.

"Ҳикоялар хазинаси" рукни остида нашр этилган ушбу "Чодирхаёл" тўпламига унинг турли мавзулардаги ҳикоялари жамланган бўлиб, китобхонлар томонидан катта қизиқиш билан қабул қилинади, деган умиддамиз. Тақдим этилаётган ҳикояларда ўша давр руҳини сақлаб қолиш мақсадида шаҳарлар ва айрим атамалар номи аслиятга асосан қолдирилди.

Мазкур ҳикоялар тўплами барча ёшдаги китобхонларга мўлжалланган бўлиб, китоб жавонингизни яна бир сермазмун китоб билан бойитади.