Анвар Обиджон: Даҳшатли Мешполвон

Қўлингизда истеъдодли адиб Анвар Обиджоннинг "Даҳшатли Мешполвон" китоби. Асар қаҳрамони ўша сиз билган Мешполвон. Икки лунжи ноғора, бети офтобдан зоғора, жағида эшак тепки нақшлаган чандиқ, қорни нақ қирқ пудлик сандиқ. Шу болакайнинг бошига кўргилик ёғилиб, йиртқич Сепкилшоҳ аскарлари юртини талаб, ота-онасини қул қилиб, Қаҳратония деган узоқ ўлкага ҳайдаб кетади. Аввалига ўзини йўқотган Мешполвон бувисининг далдаси билан ўқловни найза, қозонқопқоқни қалқон қилиб, хачирини миниб йўлга тушади. Мешполвоннинг кўрган-кечирганлари, Сепкилшоҳ билан олиб борган жанглари билан танишган ҳар бир китобхон бу "лашкарбоши"ни яхши кўриб қолади.
Шунингдек, ушбу тўпламдан ҳайвонларнинг тушлари ҳақидаги ҳикоялар ҳам ўрин олган.