Анна Достоевская: Хотиралар

Анна Достоевская (қизлик шарифи Сниткина)нинг ушбу хотиралар китоби буюк адиб, улуғ рус ёзувчиси Фёдор Достоевскийга бағишланади. Унда Анна хоним ўз болалиги, турмуш ўртоғи билан тани- шув онлари, оила қуришлари, «Жиноят ва жазо», «Ака-ука Карамазовлар» ва бошқа асарларининг ёзилиш жараёни, адибнинг руҳияти, кечинмалари, оғриқлари, қувончлари билан ўртоқлашади. Достоевскийнинг энг катта асари «Ака-ука Карамазовларнинг кириш қисмига нима учун «A.G.Dostoyevskayaga бағишланади» деб ёзиб қўйилганига ҳам ушбу асарни ўқиш давомида жавоб топасиз.

Анна Фёдор билан танишганида адиб қарзга ботган, касал ва ода- мови эди. Аммо ундаги кучли тафаккур ва иқтидор қизни ўзига жалб этди. Достоевский Аннага уйлангандан сўнг ўзининг чин маънодаги бахтли, хотиржам, меҳр-муҳаббатга бой умрини бошлади. Адиб рафиқасини ҳаётидаги ягона қувонч, ягона умид деб атайди. Ёзувчи вафотидан сўнг унинг ёди билан яшаган Анна барча қўлёзмалар, мактублар, ҳужжатларни йиғиб тартибга келтиради ва ушбу мемуар асарни ёзишга бел боғлайди.

Албатта, ёзувчининг истеъдоди аёлига ҳам кўчгани шубҳасиз, чунки китоб самимий, равон, қизиқарли ёзилган. Ушбу мемуар дунёнинг кўплаб тилларига ўгирилган ва севиб ўқиб келинмоқда.