Александр Дюма: Жаллод чангалидаги ошиқлар

Азиз китобхон! Биласизки, ишқ адабиётнинг мангу мавзуси. Сиз ўқимоққа чоғланган асардаги ошиқ-маъшуқлар Буюк Француз инқилобининг ўта чигал, ҳам умидбахш, ҳам қонли даврига мансуб.

Александр Дюманинг соҳир ва одил қалами эзгуликнинг қотиллар устидан бетимсол зафарини мадҳ этган. Нега? Негаки, романнинг мард қаҳрамонлари номардлик ва зулм остида бош эгмайдилар, ҳаётга ва бир-бирларига ёруғ юз билан боқиб, видо айтадилар. Қолаверса, бу исён эдики, Аллоҳ берган умрни тортиб олишга Ўзидан ўзга ҳеч зотнинг ҳақи йўқ. Қаҳрамонлар зоҳиран мақсад йўлида болта остига бош қўйсаларда, ботинан ўлим жазосига ва жаллодга қарши бош кўтарган эдилар.