А. Гадаев, А. Разиков, М. Рахимова, Р. Турақулов : Амалий электрокардиография

Ҳозирги кунда эхокардиография ва коронарография текширишларисиз замонавий кардиологияни тасаввур қилиб бўлмайди. Улар билан бир қаторда, юрак қон-томир касалликларини ташхислаш учун сцинтиграфия. вентрикулография, магнит резонанс томографияси каби бошқа қатор текшириш усуллари қўлланилади.

Юқорида қайд этилган замонавий текшириш усулларини амалиётга тобора кенг жорий этилишидан қатъи назар 150 йилдан кўпроқ тарихга эга бўлган электрокардиография кардиологияда ҳамон етакчи ўрин эгаллайди ва бундан кейин ҳам шундай бўлиб қолади. Бунга сабаб унинг барча тиббиёт муассасаларида кенг қўлланилиши, қулайлиги, арзонлиги. ҳаммабоплиги ва, ниҳоят, ЭКГ ëрдамида юрак фаолияти тўғрисида муҳим маълумотлар олиш имконияти мавжудлигидир. Шунга қарамасдан, ҳозирга қадар ўзбек тилида ушбу муҳим текшириш усулига бағишланган адабиётлар мавжуд эмас эди. Рус тилидаги қўлланмалар эса мураккаб бўлиб, ўзлаштиришда қатор қийинчиликлар туғдирарди. Шунинг учун кўп йиллик тажрибалар асосида ушбу кенг тарқалган текшириш усули тўғрисида ўзбек тилида содда ва барча мутахассис шифокорларга ўқиб-ўрганиш имкониятини берадиган қўлланма яратишга ҳаракат қилинди.

Китоб амалиётда ишлаётган шифокорлар ва кардиология йўналишида таҳсил олаётган магистрларга мўлжалланган.