Яшар Камол: Илонни ўлдирсалар

Илонни ўлдирсалар. Асар жамиятдаги жамоавий телбалик кандай килиб бир болани қотилга айлантириши ҳақида. Ҳасан қариндошлари ва қишлоқ аҳли босими остида ўз онасини ўлдиришга мажбур бўлади. Тўққиз ёшида содир этган бу жинояти уни бутун умр таъқиб этади.
Ағри тоғи афсонаси. Афсона ва халқ ривоятларига меҳр қўйган Яшар Камол ушбу асарида инсон руҳиятининг энг нозик қатламларини ёритиб беришга ҳаракат қилади. Турфа тақдирлар оркали инсонга хос турли фазилат ва иллатларни қаламга олади.
Қўрғондаги анор дарахти. Муаллифнинг ўзи «инсон ва табиат муносабатларини энг мукаммал акс эттирган асарларимдан бири>> деб таърифлаган ушбу романда қишлоқ хўжалигига трактор кириб келиши натижасида ишсиз қолган яримчи ва мавсумий ишчиларнинг фожиаси тасвирланади. Бундай оғир синовлар ҳаммага ҳар хил таъсир қилади: кимлардадир инсонийликдан асар ҳам қолмаган, кимлардир одамийликни унутмаган. Роман энг оғир дамларда ҳам эзгуликка бўлган ишончини йўқотмаган инсонлар тақдирини очиб беради.