Пиримқул Қодиров: Қора кўзлар (қаттиқ муқова)

«Қора кўзлар» олис қишлоқ ва ундаги орқада қолган хўжалик ҳаётини роман кўзгусига солиб кўрсатди. Асар бошдан-оёқ оддий, заҳматкаш меҳнат аҳлига, ҳар қандай мушкул вазиятларда ҳам инсоний фазилатларини сақлаб қололган асл инсонларга чуқур ҳурмат, ҳамдардлик руҳи билан суғорилган. Ёзувчи худди ўша қора кўзлар - жафокаш кишилар бошига тушган кулфатлар учун чин дилдан қайғуради, тақдирини чигаллаштирган ҳаётий-маънавий омиллар устида теран мушоҳада юритади.

Роман воқеалари юз берган макон - Ойдинкўл эскича тушунчалар, қолоқ одатлар таъсири доирасида хийла кенг ёритилади. Ёзувчи бу романида маиший ҳаёт икир-чикирларининг чуқур билимдони эканини ҳам ўқувчи бир қарашда англайди.