МеҳрНоз: Истисно

МеҳрНоз — “Истисно”

Баъзи китобларда ўзингиз айтолмаган туйғуларни топасиз. “Истисно” — шундай учрашувга таклиф.

Шоира МеҳрНознинг ўн йиллик ижодини жамлаган ушбу шеърий тўплам — улғайиш, севиш, изланиш ва ўзини англаш ҳақидаги самимий кечинмалар манзили. Унда беғубор орзулардан ҳаётнинг мураккаб саволларигача, қувончдан изтиробгача бўлган туйғулар шеърга айланади.

Китоб уч қисмдан иборат:

“Симурғ” — 25–30 ёшдаги аёлнинг ўзига ва ҳаётга муносабати, она бўлиш бахти, қалбида туғилган саволлар ва кечинмалар.

“Қақнус” — 20–25 ёшдаги аёлнинг катта ҳаётга илк қадамлари, изланишлари, ёниб-куйишлари ва ўз кулидан қайта бунёд бўлиши.

“Ҳумо” — 15–20 ёшдаги қизнинг беғубор орзулари, шаффоф хаёллари ва мўъжизаларга чексиз ишончи.

“Истисно” саҳифаларида муаллифнинг ички олами билан танишар экансиз, ўз қалбингизга яқин сатрларга ҳам дуч келишингиз мумкин. Бу тўплам шеъриятни севувчилар, туйғуларига сўз излаётганлар ва ҳаёт шовқинидан бир муддат чекиниб, ўзини тинглашни истаганлар учун.