Кумон: Менинг китобим. Рангли қаламлар билан ўрганаман

Сифат жиҳатидан афзаллиги: Китоб ёзишни ўрганаётган болалар учун мўлжалланган юқори сифатли қоғозда чоп этилган. Қоғоз қаламни бошқаришнинг бошланғич кўникмаларига эга бўлмаган болаларнинг чизишларига ҳам бардош бера олади. Шунингдек, у осон ўчириш учун мослаштирилган бўлиб, болага машқларни қайта-қайта бажариш имконини беради.

Китоб ҳақида қисқача:

Ушбу китоб болаларни рангли қаламлардан фойдаланишга ўргатиш ва қаламни бошқариш кўникмаларини ривожлантириш учун мўлжалланган. Машқлар орқали бола рангларни фарқлашни, турли чизиқлар чизишни ва қалам билан эркин ишлашни ўрганади. Китобдаги топшириқлар болани ёзишга тайёрлайдиган муҳим кўникмаларни босқичма-босқич шакллантиради.

Китоб кимлар учун?

Китоб 2 ёшдан 4 ёшгача бўлган болалар учун мўлжалланган.

Китобдаги топшириқлар қандай тартибда тузилган?

Топшириқлар оддий машқлардан бошланади. Дастлаб бола катта майдонларда эркин чизади ва ранглар билан танишади. Кейинчалик йўлакчалар бўйлаб турли чизиқлар чизиш, шаклларни тўлдириш ва расмларни якунлаш топшириқларига ўтилади. Машқлар аста-секин мураккаблашиб боради ва болада қаламни бошқариш малакасини ривожлантиради.

— Китоб болаларни рангли қаламлардан тўғри фойдаланишга ўргатади.
— Машқлар қаламни бошқариш ва майда моторика кўникмаларини ривожлантиради.
— Бола рангларни фарқлаш ва уларнинг номларини ўрганади.
— Топшириқлар оддийдан мураккабга қараб тузилган.
— Чизиш машқлари диққатни жамлаш ва қўл ҳаракатларини мувофиқлаштиришга ёрдам беради.
— Китоб ёзишга тайёргарлик учун зарур бўлган асосий кўникмаларни шакллантиради.
— Ёрқин ва қизиқарли топшириқлар болаларда ўрганишга бўлган қизиқишни оширади.

Китобдан фойдаланиш бўйича йўриқнома

— Машғулотлар учун қизил, тўқ сариқ, сариқ, яшил, кўк, бинафша, жигарранг ва қора рангли қаламларни тайёрлаб қўйинг.

— Ҳар бир машғулот якунида болани мақтанг ва рағбатлантиринг.

— Бир кунда бажариладиган саҳифалар сонини олдиндан белгиланг. Бир ёки икки варақдан бошлаш тавсия этилади.

— Машғулотни бола ҳали қизиқиши сақланиб турган пайтда якунлаш мақсадга мувофиқ.

— Дастлаб болага рангларни эркин танлаш имконини беринг. Кейинчалик тавсия этилган ранглардан фойдаланишга унданг.

— Болага қаламни учига яқин жойдан ушлашни кўрсатинг.

— Топшириқларни китобда берилган кетма-кетликда бажариш тавсия этилади.

— «Ота-оналарга» бўлимидаги тавсиялар билан мунтазам танишиб боринг.