Исоқжон Нишонов: Афғон шамоли (7-8 китоблар)

«Афғон шамоли» роман-сериалининг еттинчи қисмида ёритилган воқеа-ҳодисалар асосан Афғонистон ҳудудида рўй беради. Мазкур қисмда ўқувчи толибларнинг қурол-яроғларини йўқ қилишда гумон қилинган Бўроннинг ўз Ватани равнақи, тинчлиги ва Афғон халқини террор балосидан қутқариш йўлида учраган оғир синовларни бирга бошдан кечиради, толибонларнинг манфур башараси ва ғайриинсоний жиноятларига яна бир бор гувоҳ бўлади.

Романнинг саккизинчи китобида ўқувчи Қўлдошали, Сабина, Латиф, Расул, Кутузов каби янги қаҳрамонларни кашф этади, урушнинг аччиқ қисматини улар билан бирга бошдан кечиради. воқеалар ривожининг асосий қисми бош қаҳрамон Бўроннинг Мулла Умар топшириғи билан Чеченистонга юборилиши билан боғлиқ бўлиб, ўқувчи чечен жангарилари билан бўлиб ўтган ҳодисалар,рус-чечен музокаралари билан боғлиқ тарихий воқеалардан хабардор бўлади.