Эрмуҳаммад Шерматов: Ўтмишдан келган адолатли нидолар

Эрмуҳаммад Шерматов: Ўтмишдан келган адолатли нидолар

Бир асрлик тарих, мураккаб тақдирлар ва адолат йўлидаги кураш — тажрибали ҳуқуқшунос Эрмуҳаммад Шерматовнинг ушбу асарида Ўзбекистон адлия тизимининг ўтмиши миллий давлатчилик тарихи билан узвий боғлиқликда ёритилади.

Китоб 1917–2022-йилларни қамраб олиб, Туркистон адлия халқ комиссарлари ва Ўзбекистон адлия вазирларининг фаолияти, тизимнинг шаклланиши ҳамда ривожланиш босқичлари ҳақида ҳикоя қилади. Архив ҳужжатлари, тарихий ва адабий манбалар асосида жамланган маълумотлар орқали ўқувчи суд, прокуратура ва бошқа ҳуқуқни муҳофаза қилувчи органлар тарихига ҳам назар ташлайди.

Икки бобдан иборат асарда адлия раҳбарларининг ҳаёт йўли билан бирга ХХ асрнинг фожиали воқеалари, сиёсий қатағонлар ва ноҳақ айбланган инсонларнинг номларини оқлаш жараёнлари очиб берилган. Шермат Эрматов, Хадича Сулаймонова каби шахслар ҳақидаги ҳикоялар тарихий воқеалар ортидаги инсон тақдирларини яқиндан англаш имконини беради.

Бой иллюстратив материаллар билан безатилган ушбу нашр ҳуқуқшунослар, тарихчилар, тадқиқотчилар, талабалар ва юртимизнинг яқин ўтмишига қизиқувчи китобхонлар учун қимматли манбадир. Ўзбекистоннинг ҳуқуқий тараққиёти ва адолат йўлида хизмат қилган инсонлар меросини ўрганишни истасангиз, бу асар кутубхонангиздан муносиб ўрин эгаллайди.