Жюль Верн: Капитан Грант болалари

1864 йил 26 июлда лорд Эдуард Гленарванга тегишли яхта матрослари улкан болға балиқни тутиб олдилар. Оч кўз балиқ бутунича ютиб юборган шиша ичидан инглиз, немис ва француз тилларида ёзилган ҳужжат чиқди. Денгиз суви чирита бошлаган бу қоғозлардан аниқланишича, икки йил олдин ғойиб бўлган «Британия» кемаси ҳалокатга учраган. Экипаж капитани Грант ва икки денгизчи эса тирик қолган...

Капитан ва денгизчиларнинг бошдан кечирганлари ҳамда адолат учун мардона курашганларини мутолаа давомида билиб оласиз.

Муаллиф ҳақида:

Жюл Верн буюк француз ёзувчиси, замонавий фантастика отаси ҳали ҳаётлигидаёқ афсонага айланиб кетган инсонлардан бири эди. Замондошлари уни «тиним билмас саёҳатчи» деб ҳисобласалар, кимлардир уни «денгизчи, кема капитани» деб ўйлашар, яна кимлардир «кўчирмакаш ёзувчи» деб ғийбат қилар, бошқалар эса, «Бунақа ёзувчи йўқ. Жюл Верн - бу географик жамиятнинг номи. Ана шу ташкилотнинг аъзолари шу ном остида китоблар ёзадилар.», деб исботлашга уринадилар. Аслида эса, Жюл Верн ёзиб чарчамайдиган ёзувчи эди. У фақат ижод оғушидагина хордиқ чиқарарди. 60 йилдан ортиқ давом этган ижодий фаолияти мобайнида тинимсиз ёзди ва адабиёт ихлосмандларига, авлодларга 97 китобни мерос қилиб қолдирди.