“Тезкор-қидирув фаолияти тўғрисида”ги Қонунга илмий-амалий шарҳ чоп этилди

Бош прокуратура Академияси профессори, ю.ф.д., В.Каримов томонидан Ўзбекистон Республикасининг 2012 йил 25 декабрдаги “Тезкор-қидирув фаолияти тўғрисида”ги Қонунига илмий-амалий шарҳ тайёрланди.

Мазкур нашр норматив-ҳуқуқий ҳужжатларнинг илмий-амалий таҳлили асосида тайёрланган бўлиб, Қонуннинг ҳар бир моддасига тегишли тушунтиришлар берилган, шу жумладан, унда тезкор-қидирув фаолиятининг мақсади, асосий вазифалари ва принциплари, ушбу фаолиятни амалга оширувчи органлар, уларнинг ҳуқуқлари ва мажбуриятлари, тезкор-қидирув тадбирлари турлари, уларни ўтказиш учун асослар ва шартлар, тезкор-қидирув фаолияти натижаларидан фойдаланиш, идоравий ва прокурор назоратини ташкил этиш ҳамда мазкур фаолият амалга оширилиши билан боғлиқ бошқа масалалар ўрин олган.

Илмий-амалий шарҳ ҳуқуқшунослик йўналишидаги олий таълим муассасаларининг талабалари, курсантлари ва магистрлари, прокурорлар, судъялар, адвокатлар, илмий изланувчилар, тезкор-қидирув фаолиятини амалга оширувчи органлар ходимлари ҳамда мазкур соҳага қизиқувчи кенг китобхонлар оммаси учун мўлжалланган.