Кучли ва мустақил аёллар учун тўплам

Роберт Грин: Маҳорат
Жамият ва мамлакат тақдири ундаги моҳирлар, ҳақиқий профессионаллар, ўз ишининг усталарига боғлиқ.

Моҳир ва буюк инсонларнинг буюклиги нимада? Улар қандай қилиб ҳамма тан олган маҳоратга эришган?

Инсон ўзидаги истеъдодларни қандай ривожлантирса, бутун жамиятга наф келтирадиган ижодкор, олим, шифокор, санъаткор ёки ҳунармандга айланади?

Роберт Грин «Маҳорат» китобида шу саволларга жавоб беришга ҳаракат қилади. Китобда чинакам профессионалга айланиш учун қандай кўникмалар зарурлиги тушунтирилади. Истеъдодини ўз вақтида ва тўғри йўналтирган, бойита олганларда моҳирлар сафидан жой олиш имконияти бугун жуда катта. Ҳатто бу борада аждодларимиздан анча омадлимиз. Ишонмаяпсизми?

«МАҲОРАТ» — сўзимизнинг яққол исботи. У қалбингизда янги бир моҳирни кашф этиш, ўз ишингизнинг ҳақиқий устаси бўлишингиз учун иштиёқ уйғотишига ишонамиз!

Мей Маск: Режали аёл. Бахтли ҳаёт қоидалари (юмшоқ)

Ушбу китобда машҳур миллиардер Илон Маскнинг онаси Мей Маск ўзининг мураккаб, лекин мазмунли ҳаёти тўғрисида сўзлайди. Асарни ўқиб, Мей Маск нақадар мустақил ва жасур аёл эканидан ҳайратланасиз. У ўзининг бой ҳаётий тажрибасидан келиб чиқиб, гўзаллик, соғлик, бахт ва фарзанд тарбияси сирларини биз билан баҳам кўради. Бой касбий ва ҳаётий тажрибага эга Мей Маск нафақат аёллар, балки эркаклар учун ҳам муваффақиятли инсон намунасидир. Унинг ҳикояси бизни тўкис ва эркин яшашга, дунё кўришга ҳамда мудом янги имкониятлар излашга илҳомлантиради. Эҳтимол, турмушимиздаги айрим тўсиқларни енгишда, зерикарли бир хилликдан халос қилишда Мей Маскнинг тажрибаси асқатар...

Жордан Питерсон: Ҳаёт учун 12 қоида. Тартибсизликка қарши малҳам

Ғолибликни қисқичбақадан ўрганиш кераклигини биласизми? Қанчалик ҳайратланарли эшитилмасин, бу ҳақиқат. Канадалик психолог Жордан Питерсон ўзининг "Ҳаёт учун 12 қоида" номли бестселлерида бу ва бошқа ҳақиқатларни тушунтиради. Мазкур китобда ишончли дўст, фаҳмли турмуш ўртоқ, оқил ота-она ва кучли инсон бўлиш ҳамда қандай хатолар қилмасликка оид маслаҳатлар мужассам. Ушбу маслаҳатлар олдинга юриш, қийинчиликларни енгиш ва мазмунли яшашга ёрдам беради.

Стивен Р. Кови: Муваффақиятли инсонларнинг 7 кўникмаси (Флексибл муқова)

Муваффақиятли инсонларнинг 7 кўникмаси — Стивен Ковининг шахсий ва профессионал ўсишга йўналтирилган, дунё бўйлаб миллионлаб одамларни илҳомлантирган ажойиб китобидир. Китоб биринчи бор 1989 йилда нашр қилинган ва 2011 йил августда "Тиме" журнали ушбу китобни асосий бизнес китобларнинг 25 талик рўйхатига киритган. Китоб бугунги кунга қадар 40 дан ортиқ тилга таржима қилинган ва бутун дунё бўйлаб 40 миллиондан ортиқ нусхада сотилган.