Шайх Оиз Ал-Қарний: Маҳзун бўлма

Ислом оламининг навқирон уламоларидан доктор Оиз ал-Қарнийнинг «Маҳзун бўлма» («Ла таҳзан») китоби ниҳоят фойдали бир мавзудан баҳс этгани сабабли ўқувчилар томонидан қизғин кутиб олинди ва қайта-қайта, бир неча миллион нусхада нашр қилинди. Китобда мусанниф Қуръони карим оятлари, ҳадиси шарифдан иқтибослар ва саҳобаю тобеинлар ҳаётларидан ибратли лавҳалар келтириш билан ҳамда ўта таъсирли ҳикматларни мисол қилиб, ўқувчини маҳзун бўлмасликка – инсонлиги учун, мўмин-мусулмонлиги учун, бениҳоя Меҳрибон Оллоҳнинг бандаси, энг Буюк Инсон, севикли Пайғамбаримиз Муҳаммад соллаллоҳу алайҳи васалламнинг уммати бўлишдек улуғ саодатга эга бўлгани учун севиниб, шукроналар айтиб, бахтиёр ҳаёт кечиришга даъват қилади. Жозиб тил ва гўзал услуб билан битилган ушбу асарни ўқиб, олган роҳатларимизни, Сиз азиз диндошларимиз билан баҳам кўриш ниятида, «Маҳзун бўлма» китобининг бир жузъини фарзанди аржумандимиз Заҳириддин таржимасида эътиборингизга тақдим қилинмоқда. Оллоҳ барчамизга ҳаёти дунёда ҳам, Охират диёрида ҳам маҳзун бўлмаслик бахтини ато этсин.