Саид Аҳмад: Ғилдирак (лотин)

Ҳажвиёт Ўзбекистон халқ ёзувчиси Саид Аҳмаднинг ижодида алоҳида ўрин тутади. Севимли адибимиз сатира ва юмор тиғини ҳаётда мустаҳкам ўрин тополмаган, енгил-елпи кун кўрувчи, олға юришимизга тўсқинлик қилувчи маънавий қашшоқ кимсаларга қаратади. Бу жиҳатдан айниқса унинг ҳам кулдирувчи,ҳам ўйлатувчи "Келинлар қўзғалони", "Куёв", "Фармонбиби аразлади", "Ҳасан ва Ҳусан" комедиялари, нишонга аниқ тегадиган киноя билан йўғрилган ҳажвий ҳикоялари ва миниатюралари диққатга моликдир. Ушбу тўплам орқали сиз, азиз китобхон, ана шу ажойиб асарларнинг қаҳрамонлари билан учрашасиз. Тўпламдан ўрин олган қисса - "Ғилдирак"да муаллиф мол-дунёга ҳирс қўйган кишиларнинг маънавий инқирозини аччиқ киноя билан тасвирлайди.