Набижон Боқий : Роҳила

Ушбу китоб муаллифи Набижон Боқийни ўзбек китобхонлари «Қатлнома», "Чингиз афандига мактублар", "Қонли тошбўрон" номли асарлари билан яхши танишади. Адиб мазкур китоблари орқали тарихимизнинг аянчли даврларини қаламга олган. Ёзувчининг севги-муҳаббат мавзусида ҳам бир қанча асарлари мавжуд бўлиб, улар ўзбек адабиётида алоҳида ўринга эга. Ушбу асарларда бир-бирига кўнгил қўйган тақдир эгаларининг аянчли ҳаёти, муҳаббат йўлидаги изтироблари ишонарли тарзда тасвирланган.

Ҳақиқий ижодкор қайси мавзуда бўлмасин, юрагидан ўтказиб, воқеликни бор бўй-басти билан тасвирлай олади. Ёзувчи Н. Боқийнинг тарихий асарлари қай даражада олқишга сазовор бўлса, сиз ўқишга киришаётган ушбу муҳаббат қиссалари ҳам шу даражада юксак маҳорат билан ёзилган. Сизга мароқли мутолаа тилаймиз, азиз китобхон!