Муҳаммад Али: Темурбек (кирилл)

Ушбу китоб Ўзбекистон Республикаси Рақамли технологиялар вазирлиги ва Рақамли ҳукумат лойиҳаларини бошқариш маркази ҳамкорлигида чоп этилди.

Ўзбекистон халқ ёзувчиси, Ўзбекистон Республикасида хизмат кўрсатган ёшлар мураббийси, Давлат мукофоти совриндори Муҳаммад Али халқимизнинг шонли тарихи ҳақидаги шеърлари, достонлари, романлари, драмалари, илмий-публицистик мақолалари билан кенг ўқувчилар оммасига жуда яхши таниш. Адибнинг тарихимизни англашга қаратилган “Улуғ салтанат” роман-эпопеяси, “Сарбадорлар” дилогияси, “Клеопатра”, “Мангу қуёш”, “Умрлар гулшани” тарихий романлари, 7-синф мактаб дарслигига киритилган “Гумбаздаги нур” достони ва бошқа асарлари катта қизиқиш билан ўқилади.

Яқинда адибимиз Амир Темур ҳаёти ва даври ҳақидаги изланишлари давоми сифатида Соҳибқироннинг болалик ва ўсмирлик йилларини акс эттирган “Темурбек” тарихий қиссасини ёзди. Асар қизиқарли воқеаларга бой, ширали тил билан ёзилган.