Рустамбек Шамсутдинов: Миллат фидойилари

Миллат фидойилари ҳақидаги ушбу китоб — қатағон ва тазйиқлар авжига чиққан оғир даврларда халқ ва юрт манфаати йўлида курашган инсонларнинг шонли, бироқ аянчли тақдирлари ҳақида ҳикоя қилади.

Китобда келтирилган воқеалар бадиий тўқимага эмас, архив ҳужжатлари ва ишончли тарихий манбаларга асосланган. Унда миллат тараққиёти, маърифат ва озодлик йўлида фидойилик кўрсатган шахсларнинг ҳаёти ва фаолияти ҳақида муҳим маълумотлар жамланган.

Нашр тарихчи олимлар, тадқиқотчилар, олий таълим муассасалари профессор-ўқитувчилари, талабалар, магистрантлар, Қатағон қурбонлари хотираси музейлари ходимлари ҳамда миллий тарихимизга қизиқувчи кенг китобхонлар оммаси учун мўлжалланган.

Ўтмишни англаш, миллат фидойиларининг хотирасини асраш ва тарихдан сабоқ чиқаришни истаган ҳар бир китобхон учун қимматли манба.