Крис Макнаб: Илон Маск

Машҳур шахслар, айниқса, дунёнинг энг бой инсонлари ҳаёти ҳақида гап кетса, кўпчиликда бу мавзу қизиқиш уйғотади, аммо улар босиб ўтган шонли йўлдаги меҳнату машаққатларга дош бериш ҳамда синовлардан фақат ғолиб бўлиб чиқиш, керакли қарорни ўз вақтида қабул қилиш зеҳнию илми ҳаммада ҳам етарли бўлавермайди. Мазкур китоб орқали бугун ҳаёт ва фаолиятидаги саргузаштлар ҳикоя қилинадиган Илон Маск шахсияти қирралари ҳақида танишар экансиз, юқоридаги фикр бот-бот хаёлингиздан кечиши мумкин.
Ушбу китоб мутолааси шу жиҳати билан аҳамиятлики, ёшларни ўз мақсади сари илгарилаётган оғир дамларда учраган барча тўсиқ ва қийинчиликларни мардонавор енгиб ўтишга илҳомлантирса, ота-оналарга эса фарзандлари камоли учун зарур шарт-шароитларни ҳозир қилиш, улар- нинг қизиқишларини ҳар томонлама қўллаб-қувватлаш, тафаккурини ўстириш, билимини рағбатлантириш нақадар лозим ва лобуд эканини ҳаётий муҳим мисоллар воситасида уқтиради