Инсон танаси. Болалар энциклопедияси

Болажонларимизнинг дунёқараши ўсиб, ўзини таний бошлагани, атроф-муҳитга қизиқиши ўсиб боргани сари биз кутмаган ва ҳатто жавобини бера олмайдиган саволлари кўпаяди: "Нега аксирганда кўзларимизни юмиб оламиз?" "Мен қандай туғилганман?" "Нега укам мендан бошқача?" "Нега баъзи одамларнинг ранги қора, баъзилариники эса оқ?" "Нега юрагимизнинг шакли бундай?" "Паразитлар ичимизга қандай кириб олади?.."
Миянинг ички фаолиятидан тортиб ДНК мўжизаларигача барча маълумотларни қамраб олган ушбу энциклопедия фарзандларимизнинг юқоридаги каби саволларига батафсил жавоб беради. Профессионал даражадаги мавзуларга оид ранг-баранг фотосуратлар ва фойдали диаграммалар танамизнинг қандай ишлаши бўйича ўғил-қизларимизнинг визуал таассуротларини бойитади.