Ҳафиза Эгамбердиева: Томчилар таваллоси. Сайланма

Масъул муҳаррир: Шоҳсанам НИШОНОВА

Ҳафиза Эгамбердиева номи кўпчилик адабиёт мухлисларига яхши таниш. Унинг ўзига хос услуб ва мусиқий оҳангда битилган шеърларини ўқир экансиз, қалбингизда ҳаётнинг қадрдон туйғулари жонланади.

Чуқур шеърий тафаккур ва маҳорати билан ажралиб турадиган шоир ҳар бир ҳодисани нозик пардаларда куйлайдики, сўз шаффоф бир руҳга айланиб, ўқувчи борлиғига покиза туйғуларни олиб киради. Энг муҳими, унинг битиклари қатида меҳр, самимият ва ҳаёт ҳақиқатини синчков кузатувчи, ўз дардини тезда юқтирувчи катта бир кўнгил борлигини ҳис қиласиз.

Ушбу туҳфа ҳам сизга завқу иштиёқ, ҳузур билан бирга руҳий яқинлик, ички бир илиқлик бағишлашига ишонамиз!

Ўзбекистон Ёзувчилар уюшмаси ҳомийлигида чоп этилди.