Эркаклар учун махсус тўплам

Эркаклар учун махсус тўплам
Китоблар рўйхати:

Кашандаликдан қутулишнинг осон йўли - Дунёда ҳар йили 4 миллиондан ортиқ одам сигарет чекиши туфайли вафот этади. Бу гиёҳвандликдан ўладиганлар ва ҳатто урушларда ҳалок бўладиганлар сонидан ҳам бир неча баробар кўп. Шунга қарамай, нега кашандалар — ўсмирлардан тортиб қарияларгача — била туриб бу зарарли одатни ташлай олмайди? Бунинг сабаби тана никотинга қарам бўлиб қолади, деб ўйлаётгандирсиз. Йўқ, кашандалик жисмоний эмас, балки психологик тобелик. Китобни ўқиш давомида кашандаликдан қутулишнинг осон йўлини амалда синаб кўринг. Аллен Каррнинг қўлланмаси қуруқ қўрқитиш ва тарғибот эмас, балки йиллар давомида синалган самарали маслаҳатлардан иборат. Улар ёрдамида миллионлаб одамлар чекишни ташламоқда ва бу сизнинг ҳам қўлингиздан келади!

Ҳаёт учун 12 қоида - Ғолибликни қисқичбақадан ўрганиш кераклигини биласизми? Қанчалик ҳайратланарли эшитилмасин, бу ҳақиқат. Канадалик психолог Жордан Питерсон ўзининг "Ҳаёт учун 12 қоида" номли бесцеллерида бу ва бошқа ҳақиқатларни тушунтиради. Мазкур китобда ишончли дўст, фаҳмли турмуш ўртоқ, оқил ота-она ва кучли инсон бўлиш ҳамда қандай хатолар қилмасликка оид маслаҳатлар мужассам. Ушбу маслаҳатлар олдинга юриш, қийинчиликларни енгиш ва мазмунли яшашга ёрдам беради.

Мантиқий хато - Ким ҳақ- у, ким ноҳақ? Баъзан бу саволга жавоб йўқдек туюлади. Ахир “Ҳамманинг ўз ҳақиқати бор”, деймиз. Шунга қарамай, наҳотки барча учун бир хил бўлган обектив ҳақиқат йўқ? Албатта, бор ва уни билишда бизга мантиқ ёрдам беради. Бу қадимий илм аргументлар келтириш ва уларга жавоб беришни ўргатади.

Ўрганишнинг энг самарали усулларидан бири — хатоларни таҳлил қилиш. Шунинг учун “Мантиқий хато” китобида баҳсларда кенг тарқалган мантиқий хатолар, уларнинг турлари ва шакллари баён қилинган.