Чимен Эренгезгин: Мажбурманми

Ушбу китоб бажаришимиз шарт бўлмаган ҳар бир ҳаракатимизни назоратга олиш, онгимизга сингдирилган ва ўзимизни мажбур ҳис қилдирадиган бўш нутқларни қайтадан кўриб чиқиш, тажрибаларимизга янги нуқтайи назардан баҳо беришимиз учун ёзилган. Унда чуқур мулоҳаза юритиб, бажарганларимизни ҳисоб-китоб қилишимиз, шу пайтгача зиммамизга юкланган барча вазифаларни, меъёрга солинган ибораларни қайта қуришимизга имконият яратилган.
Ўзингиздан ҳеч сўраганмисиз:
Ҳаётингизда мажбурият юзасидан нималар қилгансиз?
Зиммангизга оғирлик қиладиган, сизни орқага тортадиган ва ҳар сафар «Бошқа ҳеч қачон бундай қилмайман!» деган гапни неча марта такрорлагансиз?
Агар имкон берилганида, ҳаётингизда нимани ўзгартиришни хоҳлардингиз?
Бошқаларга ажратганингиздек, ўзингизга ҳам вақт ажратоласизми?
Агар истакларингиз билан мажбуриятларингиз тарозига тортилса, қайси бири оғирроқ келади?
Келинг, шу саволларга қалбингиздан жавоб излайлик.