Бир умрлик рамазон кирилл (пушти)

Азиз дўстим, бу саҳифаларни ёзишдан олдин кўпчилик инсонлар зое этаётган, унинг аҳамиятини билмаётган вақт ҳақида гапирмоқчимиз. Молда бўлгани каби вақтнинг сарф этилишида ҳам тадбирли ва тежамкор бўлиш лозим. Албатта молни тўплаб, ишлатиб яна унга эга бўлишингиз мумкин, аммо бутун дунё бойликларини йиғиб ҳам ўтган вақтингизни қайтара олмайсиз.Инсоннинг вақти унинг миқдори тайин этилганлиги, умрнинг белгилаб қўйилганлиги, унга инсон аралаша олмаслиги билан қимматлидир. Шу сабабли ҳар бир инсон ўз вақтини энг фойдали ишларга сарф этиши ва у келтириши мумкин бўлган фазилатлардан ўзини маҳрум этмаслиги керак.

Инсон ўз вақтини муҳофаза этиши учун уни қаерга ва қандай сарф этишни билиши керак. Вақт сарф этилиши керак бўлган энг муҳим ўрин эса, албатта, хайрли амаллардир. Унга сарфланган вақт учун асло пушаймон бўлинмайди. Агар шу ўринда ҳам бир пушаёнлик бўлса, бу фақат вақтида хайр ва ҳасанотларни кўпайтирмаганлик учун бўлади.
Эй дўстим, мақсадингизни аниқ белгилаб, ниятингизда самимий ва ихлосли бўлинг ва вақтингиздан унумли фойдаланишни бошланг!

Риё чумолининг оёқ изидан ҳам майда,кўринмайдиган ва билинмайдиган, аммо энг хавфли, инсонни таҳликага қўювчи амалдир. Бу кундалик фақат одатларни шакллантириш учундир, ўз амалимизга ўзимиз баҳо беришимиз учун эмас. Шу сабабли қуйида келадиган амаллар фақат Яратган учундир!....