Абдусаттор Икром: Аллоҳ таоло сизни эслашини хоҳлайсизми?

Бизни бир машҳур ёки мансабдор инсон эслаб қўйса, бундан хурсанд бўлиб, мақтаниб юрамиз. Аллоҳ, таоло бизни эслаши эса қиёслаб бўлмайдиган улуғ мақомдир. Бунга қандай эришиш мумкин? Саволимизга Қуръони Каримдан жавоб топамиз - Аллоҳ таоло шундай марҳамат қилган: «Мени зикр қилинг, сизни эсларман». Шунинг учун ушбу китоб «Аллоҳ, таоло сизни эслашини хоҳлайсизми?» деб номланган.
Унда зикрнинг фазилатлари, Қуръони карим ва ҳадиси шарифда зикр ҳақидаги кўрсатмалар, улуғларнинг зикр ҳақидаги сўзлари, тонгги ва тунги зикрлар, зикрнинг одоблари, зикрдан ғофил бўлиш оқибатлари, салавот айтиш ҳамда унинг самаралари ва бошқа кўплаб мавзулар ёритилган.