Зикрилла Неъмат Вафоий: Бобомдан Меърос Боғлар

Муаллифнинг ушбу шеърий тўпламида унинг сўнгги йилларда она Ватан, ишқ-муҳаббат, меҳр-оқибат, одамийлик, ҳақиқатга интилиш ҳамда элу юртни севиш ва уни асраш мавзусидаги янги ёзган шеър-ғазаллари, қасидалари, мухаммас ва туюқлари жамланган.

Шунингдек, китобга аждодларимиз жасоратидан ҳикоя қилувчи "Спитамен" достони ҳам киритилган. Тўпламнинг "Таржималар" бобида рус, беларус, украин ва қозоқ шоирларининг шеърларидан таржималар берилгани ҳам китобнинг янада қизиқарли бўлишини таъминлаган. Ўйлаймизки, шоирнинг янги назмий тўплами шеърият ихлосмандларига ажойиб туҳфа бўлади.