Зигмунд Фрейд: Психоанализ ҳақида бешта маъруза

Зигмунд Фрейд психоанализ асосчиси сифатида машҳур. Унинг таълимоти нафақат адабиёт ва санъат, балки руҳият билан боғлиқ ҳар бир соҳага жиддий таъсир этди; кутилмаган қарашлари билан инсонлар онгида ҳали-ҳамон инқилоб қилишдан тўхтагани йўқ...

Ушбу китоб Зигмунд Фрейднинг Америка аудиториясида қилган маърузалари асосида тайёрланган. Маълумки, Фрейд фикрларини жуда мураккаб шаклда ифода қилган. Шунинг учун уни тушуниш, тушунилган матнни таржима қилиш ўта қийин иш. Балки шундай машҳур олим асарларининг шу пайтгача ўзбек тилига таржима қилинмаганининг сабаби шундадир. Таржимон ушбу китобдаги мазмунини имкон даражада аслиятга яқинлаштиришга ҳаракат қилган, баъзи мураккаб, узун гапларни бўлиб-бўлиб ифодалаган. Шундай бўлса-да, таржимани тўкис, мукаммал деган даъвода эмасмиз.